Debutantane Sjur Koppen og Ronny Torsteinsen kjem saman med Skjemtegauk-veteranane André Ulveseter og Janne Rønningen til avsluttinga av Skjemtegauk 2015.

Sjur Koppen, Ronny Torsteinsen, André Ulveseter og Janne Rønningen står på scena under avsluttinga av Skjemtegauk 2015.

Billettar er i sal på nettsidene til Sjøborg kulturhus. Billettar tiltorsdag kveld finn du her, fredag kveld finn du her. 

• Desse ser du torsdag 2. juli!

Les meir om dei som skal på scena på fredag kveld her.

Sjur Koppen kjem til Ulsteinvik for å vere med på Skjemtegauk 2015.

Sjur Koppen

Sjur er ein av dei nyaste faste komikarane i stallen til Standup Bergen. I fjor vart han kåra til årets nykomar på landets nye store humorfestival, Humorfest i Bergen.

Juryen omtalte Sjur slik: «Årets nykommer utmerket seg med et originalt og svært godt manus. Han hadde god evne til både formidling og improvisasjon» skriv Bergensavisen på nett.

Ronny Torsteinsen

Ronny gjer sin Skjemtegauk-debut fredag 3. juli.

Ronny er frå Stjørdal, og har skapt seg eit namn i standupmiljøet i Trondheim. Siste åra har han reist landet rundt med komikken.

Adressavisa omtala han som ein «heroinslank enfant terrible fra Stjørdal, som er i ferd med å bli et berømt og beryktet navn i det norske standupmiljøet. Han er uforutsigbar, farlig og fryktelig morsom.»

I år besøker han Skjemtegaukfestivalen for fyrste gong. Du kan finne han på Facebook eller Twitter.

Janne Rønningen

Janne Rønningen var med på Skjemtegaukfestivalen fyrste gong i 2010. No kjem ho tilbake.

Janne Rønningen har brei erfaring frå både scene, radio og fjernsyn. No gjer ho sin andre visitt til Skjemtegaukfestivalen, der ho også var i 2010.

Janne skapte seg eit namn på P3 på 90-talet, der ho blant anna testa stand up på XL, og har stått på scena landet rundt dei siste 15 åra.

André Ulveseter

André Ulveseter, mannen bak «Bilder i kampen mot særskrivingsfeil» kjem tilbake til Skjemtegauk i år.

Sistemann ut denne fredagskvelden er bergensar og ålesundskomikar André Ulveseter.

Mannen bak ein av dei største nettsuksessane her til lands, «Bilder i kampen mot særskrivingsfeil,» var med på Skjemtegauk for fyrste gong i 2007.

I år er Mr. Standup Ålesund med på festivalen for fjerde gong.

André kan du følgje på Twitter eller Facebook.