Her er laurdagsgaukane 2016

ÅRETS SKJEMTEGAUK: Halvor Hravn Jellum Johansson tok heim sigeren og diplomet som "Årets Skjemtegauk 2014". Foto: Åge André Breivik, Skjemtegaukfestivalen

ÅRETS SKJEMTEGAUK 2014: Halvor Hravn Jellum Johansson tok heim sigeren og diplomet som «Årets Skjemtegauk 2014». 13. august kjem han tilbake til Skjemtegaukfestivalen. Foto: Åge André Breivik, Skjemtegaukfestivalen

Henrik, Halvor, Mariell og Maria står på scena når Skjemtegauk 2016 avsluttar på Sjøborg kulturhus 13. august.

Skjemtegauk 2016 blir arrangert på Sjøborg kulturhus fredag 12. og laurdag 13. august. Framsyningane startar klokka 21.00. Billettar finn du på Sjøborg sine nettsider. Meir informasjon om årets festival finn du her.

 

Foto: Istage.no

Foto: Istage.no


Henrik Fladseth er relativt fersk som komikar, men har allereie jobba seg opp eit godt rykte. I 2014 varma han opp for Dag Sørås då han turnerte Noreg.

I 2015 imponerte han på scena på Komiprisen, og same år sette han opp einmannsframsyninga «Kverulant», som selde ut John Dee i Oslo, og som har vore med på HumorFest i Bergen to år på rad.

I haust ser du han på TV2 Humor, når han og fem andre komikarar ser på den norske fjersynsfloraen i programmet «Sølvrekka».

Henrik er med på Skjemtegaukfestivalen for fyrste gong 13. august. Me gler oss til å sjå han på scena på Sjøborg denne laurdagskvelden.


Maria Stavang
Maria Stavang vart kåra til beste nykomar då ho var med på Humorfest i Bergen i vår. Som vinnar av konkurransen får ho vere med på den anerkjente Fringe-festivalen i Edinburgh i august.

Komikaren driv også sin eigen Youtube-konto under namnet Piateed. «One time somebody told me that I’m a «effing weirdo» and I couldn’t have agreed more.» 

Det skriv ho i omtalen av Youtube-kontoen. Om det same gjeld når ho står på scena får du sjå på Sjøborg 13. august.

Mariell Køste


Mariell Køste vann nykomarprisen i Bergen året før, og passar fint inn i den prisvinnande gjengen som skal underhalde oss laurdag 13. august.

Trønderkomikaren har stått på scena i nokre år, og har vore omtala som både «rå og rampete», med «uslåelig mimikk og en unik tilstedeværelse».

I fjor fekk ho delta på ein av dei viktigaste humorfestivalane i verda, då ho representerte Noreg på Fringe-festivalen i Edinburgh.

I år debuterer ho på Skjemtegaukfestivalen. Blir ho prisvinnar også her?

 


Foto: Åge André Breivik, Skjemtegaukfestivalen

Foto: Åge André Breivik, Skjemtegaukfestivalen

Halvor Hravn Jellum Johansson. Namnet på «Årets Skjemtegauk 2014». Same året vart han kåra til «Standup Deluxe- mester» på standupfestivalen i Oslo. I år kjem han tilbake til Ulsteinvik for sin andre Skjemtegaukopptreden.

På nettsida si operer Halvor med ein garanti om «feelgoodhumor». Den kan me skrive under på. Halvor tok publikum med storm då han var på Skjemtegauk sist, og har slått seg opp på kort tid i det norske standupmiljøet.

Ikkje gå glipp av sunnmørsbesøket 13. august.

You may also like...